WhatsApp ویب

آج، پہلی بار آپ میں سے لاکھوں لوگوں کے پاس اپنے ویب براؤزر پر WhatsApp استعمال کرنے کی صلاحیت موجود ہوگی۔ ہمارا ویب کلائنٹ بس آپ کے فون کیلئے توسیع ہے: ویب براؤزر میں آپ کی موبائل ڈیوائس کی گفتگو اور میسجز کی عکاسی ہوتی ہے -- اس کا مطلب یہ ہے کہ آپ کے تمام میسجز اب بھی آپ کے فون میں موجود رہیں گے۔

اپنے ویب براؤزر کو WhatsApp کلائنٹ سے جوڑنے کیلئے، بس اپنے Google Chrome براؤزر میں https://web.whatsapp.com کھولیں۔ آپ کو ایک QR کوڈ نظر آئے گا --- WhatsApp کے اندر کوڈ کو اسکین کریں، اور اب آپ استعمال کیلئے تیار ہیں۔ اب آپ WhatsApp ویب کلائنٹ کے ساتھ اپنے فون پر WhatsApp سے جڑ گئے ہیں۔ ویب کلائنٹ کے کام کرنے کیلئے آپ کا فون انٹرنیٹ سے جڑا ہونا چاہیے، اور براہ کرم اپنے فون میں WhatsApp کا جدید ترین ورژن انسٹال کرنا یقینی بنائیں۔ بدقسمتی سے فی الحال ہم Apple پلیٹ فارم کی پابندیوں کی وجہ سے iOS کے صارفین کیلئے ویب کلائنٹ فراہم کرنے سے قاصر ہیں۔

ہم امید کرتے ہیں کہ روز مرہ کی زندگی میں ویب کلائنٹ آپ کیلئے مفید ثابت ہوگا۔