અમે વોઇસ મેસેજને હજી વધુ સારા બનાવી રહ્યા છીએ

જ્યારે અમે 2013માં સૌપ્રથમ વોઇસ મેસેજિંગ લોન્ચ કરેલું, ત્યારે અમે જાણતા હતા કે તે લોકોની વાતચીત કરવાની રીતને બદલી શકે છે. ડિઝાઇનને સરળ રાખીને, અમે વોઇસ મેસેજને રેકોર્ડ કરવાનું અને મોકલવાનું ટેક્સ્ટ લખવા જેટલું જ ઝડપી અને સહેલું બનાવ્યું છે. WhatsApp પર દરરોજ, અમારા વાપરનારાઓ સરેરાશે 7 અબજ વોઇસ મેસેજ મોકલે છે, જે તમામ એન્ડ-ટૂ-એન્ડ એન્ક્રિપ્શનથી સુરક્ષિત હોય છે જેથી તેમને હંમેશાં ખાનગી અને સુરક્ષિત રાખી શકાય.

આજે, અમે એવી નવી સુવિધાઓને જાહેર કરતી વખતે ઉત્સાહિત છીએ જે WhatsApp પરના વોઇસ મેસેજના અનુભવને હજી વધુ સારો બનાવે છે. આમાં સામેલ છે:

• ચેટની બહાર પ્લેબેક: વોઇસ મેસેજને ચેટની બહારથી સાંભળો, જેથી તમે એક સાથે વધુ કાર્યો કરી શકો અથવા અન્ય મેસેજને વાંચી શકો અને તેમનો જવાબ આપી શકો.
• રેકોર્ડિંગને થોભાવવું/ફરી શરૂ કરવું : વોઇસ મેસેજ રેકોર્ડ કરતી વખતે, તમને વિક્ષેપ પાડવામાં આવે અથવા તમારા વિચારોને સંકેલવા સમય જોઈતો હોય તો તે કિસ્સામાં, તમે હવે રેકોર્ડિંગને થોભાવી શકો છો અને તૈયાર હોવા પર ફરી શરૂ કરી શકો છો.
• વેવફોર્મ વિઝ્યુલાઇઝેશન : રેકોર્ડિંગને અનુસરવામાં મદદ મળે તે માટે વોઇસ મેસેજ પરના અવાજનું વિઝ્યુઅલ નિરૂપણ બતાવે છે.
• ડ્રાફ્ટ પ્રિવ્યૂ: તમારા વોઇસ મેસેજને મોકલવાની પહેલાં તેને સાંભળી જુઓ.
• પ્લેબેક યાદ રાખવું: જો તમે વોઇસ મેસેજ સાંભળતી વખતે તેને થોભાવો છો, તો જ્યારે તમે ચેટ પર પાછા ફરો ત્યારે તમે મેસેજને જ્યાં થોભાવ્યો હતો ત્યાંથી જ ફરી શરૂ કરી શકો છો.
• ફોરવર્ડ કરેલા મેસેજ પર ઝડપી પ્લેબેક: રેગ્યુલર અને ફોરવર્ડ કરેલા એમ બંને પ્રકારના મેસેજ પર વધુ ઝડપથી મેસેજને સાંભળવા માટે વોઇસ મેસેજને 1.5x અથવા 2x સ્પીડ પર પ્લે કરો.

વોઇસ મેસેજે લોકો માટે વધુ અભિવ્યક્તિપૂર્ણ વાતચીત કરવાનું ઝડપી અને સહેલું બનાવી દીધું છે. અવાજ દ્વારા ભાવના કે રોમાંચ વ્યક્ત કરવો એ લખાણથી વધુ સ્વાભાવિક છે અને ઘણી સ્થિતિઓમાં WhatsApp પર વાતચીત કરવા માટે વોઇસ મેસેજને આગવી પસંદગી મળે છે. તે કોઈ પણ વ્યક્તિ માટે ઉપયોગમાં લેવા માટે સરળ છે - તમારા કુટુંબના સભ્યો માટે કે જેઓ ટાઇપ કરવાનું ટાળવાનું પસંદ કરતા હોય, તમારા મિત્રો માટે કે જેમને વાર્તાઓ કહેવી બહુ ગમતી હોય, તમારા સાથીઓ માટે જેમને પ્રેરક શબ્દોની જરૂર હોય અથવા જ્યારે તમે વ્યસ્ત દિવસના અંતે તમારા પાર્ટનરનો અવાજ સાંભળવા ઇચ્છતા હો.

આ નવી સુવિધાઓ આવનારા અઠવાડિયાઓમાં રજૂ થઈ રહી છે ત્યારે, વાપરનારાઓ તેને અજમાવી જુએ તે માટે અમે ઉત્સાહિત છીએ.