WhatsApp پر Meta AI - اب کثیر لسانی، مزید تخلیقی اور اسمارٹ تر

WhatsApp پر Meta AI۔ نئی خصوصیات؛ مزید زبانیں اور ممالک۔

چونکہ Meta AI نئی مفید خصوصیات اور زبانوں کے ساتھ بہتر ہوتا جا رہا ہے، ہم اس مددگار اور تخلیقی معاون کو آج سے مزید ممالک میں شروع کرنے پر بہت خوش ہیں۔

مسلسل بین الاقوامی توسیع

Meta AI جوابات، خیالات اور ترغیب میں آپ کی مدد کر سکتا ہے۔ یہ اب فرانسیسی، جرمن، ہندی، اطالوی، پرتگالی اور ہسپانوی سمیت کئی نئی زبانوں میں تازہ ترین اضافوں کے ساتھ 22 ممالک میں دستیاب ہے جن میں ارجنٹائن، چلی، کولمبیا، ایکواڈور، میکسیکو، پیرو اور کیمرون شامل ہیں اور اس میں مزید اضافہ ہونے والا ہے۔

Imagine Edit

ہم Meta AI کے ساتھ آپ کی مثالی تصویر بنانا بھی آسان کر رہے ہیں اور وہ اس طرح کہ کسی تصویر کو آسانی سے تبدیل اور ترمیم کرنے، بشمول اس میں موجود اشیاء کو ہٹانے یا شامل کرنے کی سہولت دیتے ہیں۔ شروع کرنے کیلئے، "imagine" (تصور کریں) ٹائپ کر کے اپنی تصویر کو بیان کریں اور پھر Meta AI جو کچھ فراہم کرتا ہے اس پر اپنی پسند کے مطابق تصویر کو شامل کرنے، ہٹانے یا اینیمیٹ کرنے کا کہہ کر ردعمل دیں۔ Imagine Edit شروع میں انگریزی میں دستیاب ہے، جلد ہی مزید زبانوں میں دستیاب ہوگا۔

خود کا تصور کریں

اگر آپ نے کبھی سوچا ہے کہ آپ ایک سپر ہیرو کے طور پر کیسے لگ سکتے ہیں، یا مختلف بالوں یا لباسوں کو آزمانا چاہتے ہیں - تو اب آپ خود کو کچھ بھی کرتے ہوئے تصور کر سکتے ہیں۔ شروعات کرنے کیلئے Meta AI کے ساتھ کی چیٹس میں بس "Imagine me" (میرا تصور کریں) ٹائپ کریں۔ ایک فوری سیٹ اپ کے بعد، آپ "گلابی اور سبز سکی لباس میں میرا تصور کریں" جیسا پرامپٹ شامل کر سکیں گے اور Meta AI اس ذاتی نوعیت کے منظر نامے میں آپ کی ایک تصویر تیار کرے گا۔ آپ اپنی سیٹ اپ تصاویر کو کبھی بھی ری سیٹ یا حذف کر سکتے ہیں۔ یہ ابھی کیلئے امریکہ میں بی ٹا میں دستیاب ہے اور مزید زبانوں اور ممالک میں جلد ہی شروع ہونے والا ہے۔

ہم WhatsApp کے ذریعے زیادہ سے زیادہ لوگوں کے ساتھ Meta AI کی نئی صلاحیتیں اور پیشرفت شیئر کرنا جاری رکھنے کیلئے پرجوش ہیں۔ ہمیشہ کی طرح آپ کے ذاتی میسجز اور کالز اینڈ ٹو اینڈ اینکرپٹڈ رہتے ہیں یعنی کوئی بھی انہیں دیکھ یا سن نہیں سکتا، یہاں تک کہ WhatsApp یا Meta بھی نہیں۔ ٹیم Meta AI کے ردعمل کو بہتر بنانے کیلئے تیزی سے کام کر رہی ہے اور ہر دو ہفتوں میں بہتری کو متعارف کرواتی ہے۔ ہم آپ کی رائے جاننا چاہتے ہیں اور یہ دیکھنا چاہتے ہیں کہ Meta AI نے آپ کے اندر تخلیق اور اظہار خیال کی صلاحیت میں اضافہ کرنے میں آپ کی کس طرح مدد کی ہے۔ ہمیں Threads پر ٹیگ کریں اور اپنے تصورات شیئر کریں۔