WhatsApp પર આવી રહી છે એકથી વધુ એકાઉન્ટની સુવિધા

WhatsApp એકાઉન્ટ રાખવાથી વધુ સારું શું હોય છે? વેલ, બે એકાઉન્ટ રાખવાં અલબત્ત વધુ સારાં હોય છે.

આજે, અમે એક જ સમયે લોગ ઇન કરાયેલાં બે WhatsApp એકાઉન્ટ રાખવાની ક્ષમતાને પ્રસ્તુત કરી રહ્યા છીએ. તમારાં વર્ક અને વ્યક્તિગત – જેવાં એકાઉન્ટ વચ્ચે સ્વિચ કરવામાં મદદરૂપ – હવે તમારે દરેક વખતે લોગ આઉટ કરવાની, બે ફોન સાથે રાખવાની અથવા ખોટી જગ્યાએથી મેસેજ મોકલવા વિશે ચિંતા કરવાની જરૂર નથી.

બીજા એકાઉન્ટને સેટ અપ કરવા માટે, તમને બીજા ફોન નંબર અને સિમ કાર્ડની અથવા તો બહુવિધ-સિમ કે ઈ-સિમ સ્વીકારતા ફોનની જરૂર પડશે. બસ, તમારાં WhatsApp સેટિંગને ખોલો, તમારા નામની બાજુમાં રહેલા તીર પર ક્લિક કરો અને “એકાઉન્ટ ઉમેરો” પર ક્લિક કરો. તમે દરેક એકાઉન્ટ પર તમારી પ્રાઇવસી અને નોટિફિકેશનનાં સેટિંગને નિયંત્રિત કરી શકો છો.

એક રિમાઇન્ડર તરીકે જણાવી દઈએ, માત્ર સત્તાવાર WhatsAppનો જ ઉપયોગ કરજો અને તમારા ફોન પર વધુ એકાઉન્ટ મેળવવાની રીત તરીકે બનાવટી કે નકલી વર્ઝનને ડાઉનલોડ કરશો નહિ. તમારા મેસેજ ફક્ત ત્યારે જ સુરક્ષિત અને ખાનગી હોય છે જ્યારે સત્તાવાર WhatsAppનો ઉપયોગ કરવામાં આવી રહ્યો હોય.