'તમારા વિશે'ને ફરી પ્રસ્તુત કરી રહ્યા છીએ: તમે શું કરી રહ્યા છો તે શેર કરવાની એક બહેતર બનાવેલી રીત

તમારામાંથી જેમણે એકદમ શરૂઆતથી WhatsAppનો ઉપયોગ કર્યો છે તે લોકો માટે, તમને યાદ હશે કે 'તમારા વિશે' એ અમારી પહેલી સુવિધા હતી. અમે વિશ્વ માટે ખાનગી અને સુરક્ષિત મેસેજિંગની સુવિધા લાવ્યા તેની પણ પહેલાં, અમે તમારા જીવનમાં જે થઈ રહ્યું હોય તે ઝડપથી શેર કરવાનું તમારા માટે સરળ બનાવ્યું હતું. આજે અમે 'તમારા વિશે'ને ફરી પ્રસ્તુત કરી રહ્યા છીએ અને તેને બહેતર બનાવી રહ્યા છીએ, તેને વધુ દૃશ્યક્ષમ, સમયસર અને ઉપયોગમાં લેવામાં વધુ સરળ બનાવી રહ્યા છીએ.

એવા દિવસો માટે કે જ્યારે તમને એક મિનિટની નવરાશ હોય અને બીજી મિનિટે તમે વ્યસ્ત હો - 'તમારા વિશે' બસ એક ઇમોજી અને ટૂંકા શબ્દસમૂહ વડે અન્ય લોકોને એ જણાવી શકે છે કે તમે શા માટે વાત કરી શકતા નથી અથવા તમે શેના વિશે વાત કરવા માંગો છો.

'તમારા વિશે'ને હવે 1-1 ચેટમાં સૌથી ઉપર અને તમારી પ્રોફાઇલ પર શોધી કાઢવાનું વધુ સરળ રહેશે. તમે ચેટમાં લોકોની 'તમારા વિશે' માહિતી પર દબાવીને તેનો સીધો જ જવાબ પણ આપી શકો છો. 'તમારા વિશે'નો સમય એક દિવસ પછી સમાપ્ત થઈ જશે, પરંતુ તમે તે વધુ ઝડપથી ગાયબ થઈ જાય એમ પણ પસંદ કરી શકો અથવા તમારી પસંદગીના સમયે વધુ સમય માટે તેને રાખવાનું પસંદ કરી શકો છો. બસ, સેટિંગ પર જાઓ અને તમારા ટાઇમરને પસંદ કરવા માટે ‘તમારા વિશેને સેટ કરો’ પર દબાવો.

તમારી 'તમારા વિશે' માહિતી કોને દેખાય એ તમે નક્કી કરી શકો છો. તમે તેને ફક્ત તમારા સંપર્કો દ્વારા જોવામાં આવવા માટે સેટ કરી શકો છો અથવા તમારાં પ્રાઇવસી સેટિંગમાં તેને વધુ વિશાળ સ્તરે દેખાતી કરવાનું પસંદ કરી શકો છો.

અમે આ અઠવાડિયાથી શરૂ કરીને મોબાઇલ પર દરેક જણ માટે તેને રજૂ કરી રહ્યા છીએ.