ગ્રૂપ માટે નવાં પ્રાઇવસી સેટિંગ

WhatsApp ગ્રૂપ કુટુંબીજનો, મિત્રો, સહ-કાર્યકરો, ક્લાસમેટ અને વધુ લોકો સાથે કનેક્ટ કરવાનું ચાલુ રાખે છે. લોકો મહત્ત્વની વાતચીતો માટે ગ્રૂપ તરફ વળી રહ્યા છે ત્યારે, વાપરનારાઓએ તેમના અનુભવ પર વધુ નિયંત્રણની માંગણી કરી છે. આજે, અમે નવા પ્રાઇવસી સેટિંગ અને આમંત્રણ સિસ્ટમ પ્રસ્તુત કરી રહ્યા છીએ, જેથી તમને એ નક્કી કરવામાં મદદ મળે કે કોણ તમને ગ્રૂપમાં ઉમેરી શકે.

તેને ચાલુ કરવા માટે, તમારી ઍપમાં સેટિંગ પર જાઓ, તે પછી એકાઉન્ટ > પ્રાઇવસી > ગ્રૂપને દબાવો અને આ ત્રણ વિકલ્પોમાંથી એકને પસંદ કરો: “દરેક,” “મારા સંપર્કો” અથવા “આ સિવાયના મારા સંપર્કો.” “મારા સંપર્કો” એટલે માત્ર તમારી એડ્રેસ બુકમાં તમારી પાસે હોય તે વાપરનારાઓ તમને ગ્રૂપમાં ઉમેરી શકે છે અને "આ સિવાયના મારા સંપર્કો" તમારા સંપર્કોમાંથી કોણ તમને ગ્રૂપમાં ઉમેરી શકે છે તે માટે વધારાનું નિયંત્રણ પૂરું પાડે છે.

તે કિસ્સામાં, તમને ગ્રૂપમાં ઉમેરી શકતા ન હોય એ એડમિનને વ્યક્તિગત ચેટ મારફતે એક ખાનગી આમંત્રણ મોકલવા માટે પ્રોમ્પ્ટ કરવામાં આવશે, જે ગ્રૂપમાં જોડાવું કે નહિ તેની પસંદગી તમને આપશે. તમારી પાસે આમંત્રણનો સમય સમાપ્ત થાય તે પહેલાં તેને સ્વીકારવા માટે ત્રણ દિવસનો સમય હશે.

આ નવી સુવિધાઓની સાથે, વાપરનારાઓ પાસે તેમને મળતા ગ્રૂપ મેસેજ પર વધુ નિયંત્રણ હશે. આ નવાં પ્રાઇવસી સેટિંગ આજથી કેટલાંક વાપરનારાઓ માટે રજૂ થવાનાં શરૂ થઈ જશે અને તે, WhatsAppના તાજેતરના વર્ઝનનો ઉપયોગ કરનારાં લોકો માટે આવનારા દિવસોમાં વિશ્વભરમાં ઉપલબ્ધ થઈ જશે.

અપડેટ: અમારા શરૂઆતી રોલઆઉટ દરમિયાન વાપરનારાઓ તરફથી મળેલા પ્રતિસાદના આધારે, “કોઈ નહિ” વિકલ્પને બદલે અમે હવે "આ સિવાયના મારા સંપર્કો" વિકલ્પ પૂરો પાડી રહ્યા છીએ. આ, તમને ચોક્કસ સંપર્કોને બાકાત રાખવા અથવા “બધાને પસંદ કરો”ને પસંદ કરવા દે છે. આ અપડેટ WhatsAppના તાજેતરના વર્ઝન પર વિશ્વભરના વાપરનારાઓ માટે રજૂ થઈ રહી છે.

છેલ્લે અપડેટ કર્યું: 5 નવેમ્બર, 2019