चॅट लॉकसाठी गुप्त कोड सादर करत आहोत

या वर्षाच्या सुरुवातीला आम्ही लोकांना त्यांचे अधिक संवेदनशील चॅट संरक्षित करण्यात मदत होण्यासाठी चॅट लॉक रोल आऊट केले. आज आम्ही गुप्त कोड लॉंच करत आहोत, एक असा अतिरिक्त मार्ग जो त्या चॅटचे संरक्षण करतो आणि जर कोणी तुमचा फोन अॅक्सेस करत असेल किंवा तुम्ही कोणालातरी फोन शेअर केला असेल तर त्याच्यासाठी ते चॅट शोधणे कठीण करतो.

तुमच्या लॉक केलेल्या चॅटला गोपनीयतेचा अतिरिक्त स्तर देण्यासाठी गुप्त कोडसह तुम्ही तुमचा फोन अनलॉक करण्यासाठी वापरता त्यापेक्षा भिन्न युनिक पासवर्ड तुम्ही सेट करू शकाल. तुमच्याकडे तुमच्या चॅटलिस्टमधून लॉक चॅट लपवण्यासाठी पर्याय असेल जेणेकरून ते शोध बारमध्ये तुमचा गुप्त कोड टाईप करूनच शोधता येतील. जर ते तुमच्या गरजांची पूर्तता करत नसेल, तरी तुम्ही अद्याप ते तुमच्या चॅटलिस्टमध्ये दिसण्याचे निवडू शकता. जेव्हा तुम्हाला नवीन चॅट लॉक करायचे असते, तेव्हा तुम्ही चॅट सेटिंग्जवर जाण्याऐवजी ते लॉक करण्याकरीता दीर्घकाळ दाबून ठेऊ शकता.

आम्हाला खूप आनंद आहे की आमच्या समुदायाला चॅट लॉक आवडत आहे, आणि आशा आहे की त्यासाठी गुप्त कोड त्यांना अधिक उपयुक्त ठरेल. गुप्त कोड आजपासून रोलिंग आऊट होत आहे, आणि आगामी महिन्यांमध्ये तो जागतिक स्तरावर उपलब्ध होईल. लोकांना त्यांच्या गोपनीयतेची सुरक्षा करण्यात मदत होण्यासाठी आम्ही चॅट लॉकवर अधिक कार्यक्षमता उपलब्ध करण्याकरिता उत्सुक आहोत, तुम्ही काय विचार करता ते आम्हाला कळवा.