Muhtasari wa Kipengele Kipya: Masasisho ya magumzo ya kikundi, matukio, simu, vituo na zaidi

Huku vipengele vipya na masasisho yakiongezwa kila wakati, inaweza kuwa rahisi kukosa njia muhimu na za kusisimua unazoweza kutumia WhatsApp. Ili kuendelea kukujulisha, tutakuwa tukishiriki muhtasari wa mara kwa mara wa masasisho, zana na mipangilio ya hivi punde. Muundo wa leo unajumuisha vipengele ambavyo vimezinduliwa hivi karibuni ili kufanya mazungumzo na simu zako kufurahisha zaidi, na kuboresha hali ya utumiaji wa Vituo vyako.

Magumzo

Mahali pako pa magumzo ya faragha na yaliyofumbwa na familia na marafiki

Kiashiria cha 'Mtandaoni' katika magumzo ya kikundi: Ili kukusaidia kujua ikiwa watu wako karibu ili kupiga gumzo, sasa unaweza kuona ni watu wangapi wako ‘Mtandaoni’ katika wakati halisi, chini ya jina la kikundi.

Angazisha arifa katika vikundi: Je, unahitaji njia rahisi ya kuzipa kipaumbele arifa zako za gumzo la kikundi? Tumia mpangilio mpya wa ‘Arifu kwa’ na uchague ‘Maangazisho’ ili kuweka kipimo cha arifa za @mention, majibu na ujumbe kutoka kwa waasiliani waliohifadhiwa au ‘Zote’ ili kupokea arifa zote.

Masasisho ya matukio: Mbali na kuunda matukio katika vikundi, sasa unaweza kuunda tukio katika mazungumzo ya 1:1. Pia tumeongeza uwezo wa kuweka RSVP kama ‘labda,’ kualika mtu mwingine, kuongeza tarehe na saa ya mwisho kwa matukio marefu, na kubandika tukio kwenye gumzo.

Hisia zinazoweza kudonolewa: Wakati mwingine unataka tu kuweka +1 kwa yale ambayo mtu mwingine amesema. Sasa unaweza kuona kwa haraka mwitikio wa kila mtu na udonoe ule unaotaka kutuma.

Kuchanganua waraka kwenye on iPhone: Changanua na utume nyaraka moja kwa moja kutoka WhatsApp kwenye iPhone. Teua tu ‘Changanua waraka’ kutoka kwenye trei ya kiambatisho na ufuate hatua za kuchanganua, kupunguza na kuhifadhi waraka huo.

Programu ya Chaguo-msingi kwa iPhone: Ukiwa na sasisho jipya zaidi la iOS, sasa unaweza pia kuweka WhatsApp kuwa programu yako ya chaguo-msingi ya kutuma ujumbe na kupiga simu kwenye iPhone yako. Ili kubadilisha, nenda tu kwenye Mipangilio > Programu Chaguo-msingi na uchague WhatsApp.

Simu

Kichupo maalum cha kupiga simu mpya, kushiriki viungo vya simu, na kudhibiti historia yako ya simu, zote katika sehemu moja

Finya ili kukuza ndani simu za video: Watumiaji wa iPhone sasa wanaweza kufinya ili kukuza ndani kwenye video wakiwa kwenye simu ya video ili kutazama kwa karibu video yako mwenyewe au ya mwenzako.

Ongeza kwenye simu kutoka kwa gumzo: Ongeza mtu kwenye simu inayoendelea ya 1:1 moja kwa moja kutoka kwenye mtungo wa gumzo kwa kudonoa ikoni ya simu iliyo katika sehemu ya juu na kuchagua 'Ongeza kwenye simu'.

Furahia simu laini za video: Tumeboresha teknolojia yetu ili kufanya simu zako za video ziwe za kuaminika zaidi na za ubora wa juu. Mfumo wetu wa uelekezaji ulioboreshwa hupata njia bora ya muunganisho na kupunguza simu zinazokatika ghafla na kuganda kwa video. Na ugunduzi wetu wa kipimo data ulioboreshwa huboresha haraka video yako hadi ubora wa HD kwa ajili ya hali ya matumizi ya kufurahisha zaidi.

Masasisho

Kichupo hiki ni nyumbani mwa Hali na Vituo, na ni tofauti na magumzo yako ya kibinafsi

Madokezo ya Video kwa Vituo: Sawa na magumzo, wasimamizi wa Kituo sasa wanaweza kurekodi na kushiriki video fupi (sekunde 60 au chini) papo hapo na wafuasi.

Manukuu ya ujumbe wa video kwenye Vituo: Sasa unaweza kupata muhtasari ulioandikwa wa masasisho ya ujumbe wa sauti kutoka kwa vituo ukiwa safarini na huwezi kuzisikiliza.

Misimbo ya QR: Kama msimamizi wa kituo, sasa unaweza kushiriki msimbo wa kipekee wa QR unaounganisha moja kwa moja kwenda kwenye kituo chako, na hivyo kurahisisha kushiriki na wengine na kukuza hadhira yao.

Endelea kufuatilia ili kupata vipengele na masasisho zaidi mapya hivi karibuni!