iPhone वर WhatsApp Business ॲप आणणे

कित्येक लघु उद्योजकांनी आमच्याकडे अनेक वेळा विचारणा केली की त्यांना त्यांच्या मनपसंत डिव्हाइसवर WhatsApp Business ॲप वापरायला आवडेल.

आता ते हे करू शकतात.

आज आम्ही iOS साठी WhatsApp Business ॲप सादर करत आहोत. Android आवृत्तीप्रमाणे — जिचा जगभरातील लाखो बिझनेसनी गेल्या वर्षात वापर केला — iOS साठी WhatsApp Business अॅप Apple App Store वरून डाउनलोड करण्यासाठी मोफत उपलब्ध असेल आणि त्यामध्ये लहान बिझनेसना आणि ग्राहकांना कम्युनिकेट करण्यात मदतीसाठी फीचर्स समाविष्ट असतील. यामध्ये या गोष्टी समाविष्ट असतील:

• बिझनेस प्रोफाइल: तुमच्या बिझनेसबद्दल उपयुक्त माहिती शेअर करा जसे की बिझनेस वर्णन, ईमेल किंवा स्टोअर पत्ते आणि वेबसाईट.
• मेसेजिंग टूल: कार्यक्षम मेसेजिंग टूलसह सहजपणे ग्राहकांना प्रतिसाद द्या — तात्काळ प्रत्युत्तरे वारंवार विचारल्या जाणाऱ्या प्रश्नांना जलद उत्तरे देण्यासाठी, स्वागत संदेश तुमच्या बिझनेसशी ग्राहकांची ओळख करून देण्यासाठी आणि व्यस्तता संदेश रिप्लायची अपेक्षा कधी करायची हे त्यांना कळवण्यासाठी.
• WhatsApp Web: संभाषणे व्यवस्थापित करण्यासाठी आणि ग्राहकांना फाईल पाठवण्यासाठी तुमच्या डेस्कटॉपवरून चॅट करा.

WhatsApp Business ॲप आज उपलब्ध आहे आणि ब्राझील, जर्मनी, इंडोनेशिया, इंडिया, मेक्सिको, युके, यूू.एस. मधील App Store वरून डाउनलोड करण्यासाठी विनामूल्य आहे. येत्या काही आठवड्यांत हे अॅप जगभरात उपलब्ध होणार आहे.

Ribeirão Preto मधील ब्राझील मधील ऑनलाईन स्वीट शॉप असो ज्यांनी ६० टक्के विक्री WhatsApp Business मार्फत केली किंवा तिजुनिया मेक्सिकोमधील सिनेमोन रोल कंपनी असो जिने WhatsApp Business ला दुसरे लोकेशन उघडण्याबााबत श्रेय दिले, जगभरातील लघु व्यवसाय प्रगती करण्‍यासाठी अ‍ॅपचा वापर करत आहेत. लहान उद्योगांसाठी देखील WhatsApp Business ॲप सज्ज करण्यासाठी आणि त्यांना व्यवसायात यश मिळविण्यासाठी कशी मदत झाली हे ऐकण्यासाठी आम्ही उत्सुक आहोत.