మా ఇటీవలి అప్‌డేట్ కోసం మరింత సమయం ఇస్తున్నాము

మా ఇటీవలి అప్‌డేట్ గురించి ఎంతగా గందరగోళం నెలకొందనే దాని గురించి మేము చాలా మంది ప్రజల నుండి తెలుసుకున్నాము. ఇందులో చాలా వరకు ఆందోళన కలిగించే అసత్య సమాచారం ఉంది కాబట్టి ప్రతి ఒక్కరూ మా సూత్రాలను అలాగే వాస్తవాలను అర్థం చేసుకునేలా సహాయపడాలనుకుంటున్నాము.

WhatsAppను ఈ సింపుల్ ఐడియా మీద రూపొందించడం జరిగింది: మీ స్నేహితులు, కుటుంబ సభ్యులతో మీరు ఏమి షేర్ చేసుకున్నా అది మీ మధ్యే ఉంటుంది. అంటే, మేము ఎల్లప్పుడూ మీ వ్యక్తిగత సంభాషణలను సంపూర్ణ గుప్తీకరణతో సంరక్షిస్తామని దాని అర్థం, కాబట్టి WhatsApp కానీ Facebook కానీ ఈ ప్రైవేట్ మెసేజ్‌లను చూడటం సాధ్యపడదు. ఇందుకోసమే మేము ఏ ఒక్కరి మెసేజ్‌లు లేదా కాల్స్‌ వివరాలను ఉంచుకోము. అలాగే మీరు షేర్ చేసుకునే లొకేషన్ వివరాలను చూడటం మాకు సాధ్యపడదు, అలాగే మేము Facebookతో మీ కాంటాక్ట్‌లను షేర్ చేయము.

ఈ అప్‌డేట్‌లతో, అందులో ఏదీ మార్చబడదు. బదులుగా, అప్‌డేట్ WhatsAppలో ఒక బిజినెస్ సంస్థకు మెసేజ్ పంపాల్సి వచ్చేలా కొత్త ఎంపికలను కలిగి ఉంటుంది, అలాగే మేము డేటాను సేకరించే మరియు ఉపయోగించే విధానం గురించి మరింత పారదర్శకతను అందిస్తుంది. WhatsAppలో ప్రస్తుతం అందరూ బిజినెస్ సంస్థల నుండి కొనుగోలు చేయకపోయినప్పటికీ, భవిష్యత్తులో మరింత మంది వ్యక్తులు వీటిని ఉపయోగించేందుకు ఎంచుకుంటారని, కనుక ఈ సేవల గురించి వ్యక్తులు తెలుసుకోవడం ముఖ్యమని మేము భావిస్తున్నాము. ఈ అప్‌డేట్ వలన Facebookతో మేము డేటాను షేర్ చేసుకునే సామర్థ్యం పెరగదు.

వినియోగదారులు ఈ నిబంధనలను సమీక్షించి ఆమోదించేందుకు మేము నిర్ణయించిన తేదీని మేము వెనక్కి తీసుకుంటున్నాము. ఏ ఒక్కరి ఖాతా ఫిబ్రవరి 8వ తేదీన సస్పెండ్ చేయబడటం లేదా తొలగించబడటం జరగదు. WhatsAppలో గోప్యత మరియు భద్రత ఎలా పనిచేస్తాయనే దాని గురించి నెలకొన్న అసత్య సమాచారం గురించి మరింత స్పష్టతనిచ్చేందుకు మేము ఇంకా మరింత చేయదలచుకున్నాము. ఆ తర్వాత, మే 15న కొత్త బిజినెస్ ఆప్షన్లు అమల్లోకి రాబోయే లోపు, వినియోగదారులు వారికి వీలైన సమయంలో క్రమంగా ఈ విధానాన్ని సమీక్షించాలని మేము వారిని కోరతాము.

WhatsApp ప్రపంచ వ్యాప్తంగా వినియోగదారులుకు సంపూర్ణ గుప్తీకరణను అందించేందుకు సహాయపడింది, ఈ భద్రతా పరిజ్ఞానాన్ని ఇప్పుడూ, అలాగే రాబోయే రోజుల్లోనూ రక్షించడానికి మేము కట్టుబడి ఉన్నాము. ఈ వదంతుల గురించి మమ్మల్ని సంప్రదించిన ప్రతి ఒక్కరికి, అలాగే వాస్తవాల గురించి ప్రచారం చేసి పుకార్లను నిలువరించేందుకు సహాయపడిన అందరికి మేము ధన్యవాదాలు తెలియచేస్తున్నాం. ప్రైవేట్‌గా కమ్యూనికేషన్ నిర్వహించుకోవడానికి WhatsAppను ఉత్తమ మార్గంగా తీర్చిదిద్దేందుకు మేము మా శాయశక్తులా కృషి చేయడాన్ని ఇక మీదటా కొనసాగిస్తాము.