અમે શા માટે જાહેરાતોનું વેચાણ કરતા નથી

બ્રાયન અને મેં Yahoo! ખાતે સાઇટને ચાલતી રાખવા સખત મહેનત કરીને સંયુક્તપણે 20 વર્ષ કાઢ્યા હતા. અને હા, જાહેરાતોનું વેચાણ કરવા માટે સખત મહેનત કરી રહ્યા હતા, કારણ કે તે જ Yahoo! કરતું હતું. તે ડેટા ભેગા કરતું અને તે પેજની સેવા આપતું અને તે જાહેરાતોનું વેચાણ કરતું હતું.

અમે Yahoo!ને વધુ કાર્યક્ષમ અને વધુ નફાકારક જાહેરાત વેચનાર... એવી Google દ્વારા કદ અને પહોંચમાં ગ્રસાઈ જતા જોયા છે. તેઓને જાણ હતી કે તમે શેની શોધ કરી રહ્યા હતા, તેથી તેઓ તમારો ડેટા વધુ કાર્યક્ષમ રીતે ભેગો કરી શકતા હતા અને વધુ સારી જાહેરાતોનું વેચાણ કરી શકતા હતા.

આજના જમાનામાં, કંપનીઓ તમારા વિશે, તમારા મિત્રો, તમારી રુચિઓ વિશે વાસ્તવિક રીતે બધું જ જાણતી હોય છે અને તેઓ જાહેરાતોનું વેચાણ કરવા માટે તે બધી બાબતોનો ઉપયોગ કરતી હોય છે.

ત્રણ વર્ષ પહેલાં જ્યારે અમે સાથે મળીને અમારી પોતાની વસ્તુને કરવાનું શરૂ કરવા મહેનત અને સમય આપવા લાગેલા, ત્યારે અમે એવું કંઈક બનાવવા માંગતા હતા કે જે માત્ર બીજું જાહેરાતનું ક્લીઅરિંગહાઉસ ન હોય. અમે એવી સેવાને બનાવવામાં અમારો સમય પસાર કરવા માંગતા હતા કે જે લોકો એટલા માટે ઉપયોગમાં લેવા માંગતા હતા કે તે કામ કરતી હતી અને તેમને પૈસાની બચત કરીને આપતી હતી તથા નાની રીતે તેમનાં જીવનને વધુ સારાં બનાવતી હતી. અમે જાણતા હતા કે જો અમે તે બધી વસ્તુઓ કરી શકીએ તો અમે સીધા જ લોકો પાસેથી શુલ્ક વસૂલી શકીએ છીએ. અમે જાણતા હતા કે અમે એ કરી શકતા હતા કે જે મોટાભાગનાં લોકો દરરોજ કરવાનો હેતુ રાખે છે: જાહેરાતોને ટાળવાનું.

કોઈ પણ વ્યક્તિ વધુ જાહેરાતો જોવા માટે ઉત્સાહિત થઈને ઊઠતી નથી, કોઈ પણ વ્યક્તિ તેમને આવતીકાલે જોવા મળનારી જાહેરાતો વિશેના વિચારો સાથે સૂવા જતી નથી. અમે જાણીએ છીએ કે લોકો તેમણે તે દિવસે કોની સાથે ચેટ કરી તે વિશે ઉત્સાહિત થઈને (અને કોની સાથે તેમણે ચેટ ન કરી તે વિશે નિરાશ થઈને) સૂવા જતાં હોય છે. અમે ઇચ્છીએ છીએ કે WhatsApp એવી પ્રોડક્ટ બની રહે કે જે તમને જાગતી રાખે... અને એ કે જેને તમે સવારે જોવા માંગો. કોઈ પણ વ્યક્તિ ઊંઘનું ઝોકું ખાઈને ઊઠ્યા પછી સ્ફૂર્તિમાં આવી જઈને જાહેરાત જોવા દોડી જતી નથી.

જાહેરાત એ માત્ર સૌંદર્યમીમાંસામાં વિક્ષેપ, તમારી બુદ્ધિનાં અપમાનો અને તમારી વિચારસરણીમાં ભંગ પાડતી બાબત જ નથી. જાહેરાતોનું વેચાણ કરતી દરેક કંપનીમાં, તેમના એન્જિનિયરોની ટીમનો નોંધપાત્ર ભાગ તેમનો દિવસ ડેટા માઇનિંગને ટ્યૂન કરવામાં, તમારો બધો વ્યક્તિગત ડેટા એકત્ર કરવા વધુ સારો કોડ લખવામાં, તમામ ડેટાને રાખતાં સર્વરને અપગ્રેડ કરવામાં અને એ વાતની ખાતરી કરવામાં પસાર કરે છે કે તે બધું લોગ થઈ રહ્યું છે અને કોલેટ અને સ્લાઇસ થઈ રહ્યું છે અને પેકેજ થઈને બહાર શિપ થઈ રહ્યું છે... અને દિવસના અંતે, તે બધાનું પરિણામ તમારા બ્રાઉઝરમાં અથવા તમારા મોબાઇલની સ્ક્રીન પર સહેજ અલગ આવતા જાહેરાત બેનર રૂપે હોય છે.

યાદ રાખો, જાહેરાત આપવાનું સામેલ હોય ત્યારે તમે, એટલે કે વાપરનાર પ્રોડક્ટ હોય છે.

WhatsApp ખાતે, અમારા એન્જિનિયરો તેમનો આખો સમય બગ ઠીક કરવામાં, નવી સુવિધાઓ ઉમેરવામાં અને વિશ્વમાં દરેક ફોનમાં સમૃદ્ધ, પરવડી શકે તેવા, વિશ્વસનીય મેસેજિંગને લાવવાના અમારા ટાસ્કમાં રહેલી બધી નાની-નાની જટિલતાઓનો ઉકેલ લાવવામાં પસાર કરે છે. તે અમારી પ્રોડક્ટ છે અને તે અમારો જુસ્સો છે. તમારો ડેટા તેમાં સામેલ પણ થતો નથી. અમને બસ તેમાંથી કોઈ પણમાં રુચિ નથી.

અમે WhatsApp માટે શા માટે શુલ્ક વસૂલીએ છીએ એમ જ્યારે લોકો અમને પૂછે છે, ત્યારે અમે કહીએ છીએ "શું તમે તેના વિકલ્પ અંગે વિચાર કર્યો છે?"