19 دسمبر 2013
ابھی کچھ سال پہلے، میرے دوست Brian اور میں نے ایک میسجنگ سروس بنانے کی تیاری کی اور ہماری توجہ صرف ایک چیز پر تھی کہ صارف کو بہترین تجربہ حاصل ہو۔ ہم چاہتے تھے کہ اگر ہمارے انجینیئروں کی ٹیم میسجنگ کو تیز، آسان اور ذاتی بنا سکے تاکہ ہم پریشان کن بینر اشتہارات، گیم پروموشنز، یا بہت سی میسجنگ ایپس میں آنے والی ایسی تمام دیگر پریشان کن "خصوصیات" پر انحصار کرنے کے بجائے براہ راست لوگوں سے چارج وصول کر سکیں۔
آج ہمیں یہ اعلان کرتے ہوئے بہت فخر محسوس ہو رہا ہے کہ آپ کی وجہ سے WhatsApp اس سنگ میل تک پہنچ گیا ہے جو ابھی تک کوئی دیگر موبائل میسجنگ سروس حاصل نہیں کر سکی ہے: صرف پچھلے چار مہینوں میں 10 کروڑ سرگرم صارفین کے ساتھ 40 کروڑ ماہانہ فعال صارفین۔ یہ صرف ان لوگوں کی تعداد نہیں ہے جنہوں نے WhatsApp پر رجسٹر کیا - یہ ان لوگوں کی تعداد ہے جو ہر ماہ اس سروس کا استعمال کرنے میں سرگرم رہے ہیں۔
جب ہم ایسا کہتے ہیں کہ یہ آپ کی وجہ سے ممکن ہوا ہے تو ہم سچ کہتے ہیں۔ WhatsApp میں صرف 50 ملازمین ہیں اور ہم میں زیادہ تر انجینیئر ہیں۔ ہم ہدف بنانے والے اشتہارات یا بڑی مارکیٹنگ کمپینز پر ایک ڈالر خرچ کیے بغیر اس مقام پر پہنچے ہیں۔ ہم یہاں ان تمام لوگوں کی وجہ سے ہیں جو اپنی WhatsApp سٹوریز اپنے ساتھی کارکنان، دوستوں اور عزیز و اقارب کے ساتھ شیئر کرتے ہیں - جو سٹوریز ہم سننا پسند کرتے ہیں۔
نیوزی لینڈ کی ایک خاتون تھی جو پی ایچ ڈی کرنے کیلئے جنوبی افریقہ گئی تھی۔ اپنے گھر واپس جانے سے ایک ہفتہ پہلے وہ اپنے خوابوں کے شہزادے سے ملی۔ انہوں نے ہمیں یہ بتایا کہ ہزاروں میل کے فاصلے پر رہنے کے باوجود WhatsApp کے ذریعے وہ ایک دوسرے سے قریب محسوس کرتے ہیں۔
ہم نے یوگنڈا میں خیراتی تنظیم چلانے والی ایک برطانوی خاتون کی کہانی بھی سنی ہے۔ انہوں نے ہمیں بتایا کہ جن بچوں کی وہ مدد کر رہی ہیں ان کی روزانہ کی رپورٹس، تصاویر اور ویڈیوز شیئر کرنے کیلئے ان کی ٹیم WhatsApp کا استعمال کرتی ہے، جنہیں شیئر کر کے وہ دنیا بھر میں اپنی تنظیم کیلئے سپورٹ حاصل کرتی ہیںَ۔
بھارت میں موجود ڈاکٹرز ان مریضوں کی الیکٹرو کارڈیو گرام تصویریں فوری طور پر بھیجنے کیلئے WhatsApp کا استعمال کر رہے ہیں جنہیں دل کا دورہ پڑا ہے، جس سے قیمتی وقت اور ممکنہ طور پر جانیں بچائی جا رہی ہیں۔ میڈریڈ کے پہاڑوں میں، جان بچانے والے لوگ گم شدہ ہائکرز کو تلاش کرنے کیلئے WhatsApp کا استعمال کرتے ہیں۔ اور آج، جب میں یوکرین میں ابھرتے ہوئے سیاسی بحران کی خبر لے رہا ہوں، یہ وہ جگہ ہے جہاں میں پیدا ہوا تھا اور اپنی زندگی کے سولہ سال گزارے، میں مدد نہیں کر سکتا لیکن امید کرتا ہوں کہ اگلی WhatsApp سٹوری اس بارے میں ہوگی کہ لوگ اظہار خیال کرنے اور اپنے بنیادی حقوق کیلئے لڑنے کی خاطر اس سروس کا استعمال کر رہے ہیں۔
WhatsApp بنانے کا ہمارا مقصد لوگوں کو ٹیکنالوجی اور کمیونیکیشن کے ذریعے بااختیار بنانا ہے، چاہے وہ کوئی بھی ہوں یا کہیں بھی رہتے ہوں۔ ہم کچھ چھوٹے طریقے سے لوگوں کی زندگیوں کو بہتر بنانا چاہتے ہیں۔ اور اسے ممکن بنانے کیلئے آپ کا شکریہ۔ اپنی سٹوریز شیئر کرنے کیلئے شکریہ اور براہ کرم ایسا کرنا جاری رکھیں - ہم یہ جاننا چاہتے ہیں کہ آگے آپ کن کاموں کیلئے WhatsApp استعمال کریں گے۔