پیش خدمت ہے چھوٹے بزنسز کے لیے کیٹلاگز

لوگ WhatsApp پر اپنے پسندیدہ چھوٹے بزنسز کے ساتھ چیٹ کرنا پسند کرتے ہیں لیکن پروڈکٹ کی معلومات حاصل کرنے کے لیے متعدد میسجز اور تصاویر طلب کرنا اور بھیجنا پریشان کُن کام ہے۔ اب ہم نے WhatsApp Business ایپ میں کیٹلاگ کے تعارف سے بزنسز کی فراہم کی جانے والی پروڈکٹس اور سروسز کے بارے میں جاننے کو مزید آسان بنا دیا ہے۔

کیٹلاگز بزنسز کے لیے اپنے سامان دکھانے اور شیئر کرنے کے لیے موبائل اسٹور فرنٹ ہیں تاکہ لوگ آسانی سے کوئی ایسی چیز براؤز کر کے تلاش کر سکیں جسے وہ خریدنا چاہیں گے۔ پہلے بزنسز کو پروڈکٹ کی تصاویر، ایک وقت میں ایک ہی، بھیجنی پڑتی تھی اور بار بار معلومات فراہم کرنی پڑتی تھی — اب کسٹمرز WhatsApp میں ہی مکمل کیٹالاگ دیکھ سکتے ہیں۔ اس سے کسٹمرز بزنسز سے مثبت طور پر متاثر ہوتے ہیں اور وہ WhatsApp میں رہ کر ہی پروڈکٹس کی معلومات حاصل کر سکتے ہیں۔ انہیں کسی ویب سائٹ پر جانے کی ضرورت نہیں پڑتی۔

"اگرادیا" انڈونیشیا میں پائيدار جڑی بوٹیوں اور مصالحوں کا ایک کاروبار ہے۔ ہم نے اس بزنس کے بانی اندھیکا مہاردیکا کو کیٹالاگ خصوصیت تک ابتدائی رسائی دی اور انہوں نے ہمیں بتایا کہ اس خصوصیت سے کسٹمرز کو ان کی پروڈکٹس، قیمتوں کے بارے میں جاننے اور ان کی پروڈکٹس کی تصاویر دیکھنے میں زیادہ سہولت ہوتی ہے — جو کسٹمرز کو بہتر سروس فراہم کرنے کے لیے ضروری ہے۔

کاروبار کیٹالاگ میں موجود ہر آئٹم کے لیے قیمت، تفصیل اور پروڈکٹ کوڈ سمیت معلومات شامل کر سکتے ہیں۔ WhatsApp ان کیٹلاگز کو ہوسٹ کرتا ہے تاکہ کاروبار اور کسٹمرز دونوں کے فونز پر کافی اسٹوریج کی جگہ بچے۔

صرف چند آسان اقدامات میں WhatsApp Business ایپ کے ساتھ کیٹالاگ بنایا جا سکتا ہے۔ شروع کرنے کے لیے یہ ویڈیو دیکھیں:

آج برازیل، جرمنی، بھارت، انڈونیشیا، میکسیکو، برطانیہ اور امریکہ میں Android اور iPhone دونوں پر WhatsApp Business ایپ استعمال کرنے والے کاروباروں کے لیے کیٹلاگ کی خصوصیت دستیاب ہے۔ ہم یہ جاننے کا بے صبری سے انتظار کر رہے ہیں کہ کیسے کیٹلاگز کی مدد سے چھوٹے بزنس اپنے کسٹمرز سے جڑتے ہیں اور ترقی کرتے ہیں۔