નવી વેબ અને ડેસ્કટોપ સુવિધાઓ સાથે WhatsApp Businessના એક વર્ષની ઉજવણી

ગયા વર્ષના જાન્યુઆરીમાં, અમે WhatsApp Business ઍપ લોન્ચ કરેલી અને હવે વિશ્વભરમાં એવા પચાસ લાખથી વધુ બિઝનેસ છે કે જેઓ ગ્રાહકોની મદદ કરવા, તેમના બિઝનેસને વધારવા અને તેમની કોમ્યુનિટીને સેવા આપવા માટે તેનો ઉપયોગ કરી રહ્યા છે. અમે એ બાબતથી ઉત્સાહિત છીએ કે અમે લાખો બિઝનેસના વિકાસમાં મદદ કરી છે. ઉદાહરણ તરીકે, ભારતમાં બેંગલુરુ-સ્થિત ચશ્માની બ્રાન્ડ, Glassicએ અમને જણાવ્યું છે કે તેનાં નવાં વેચાણમાંથી 30 ટકા વેચાણ WhatsApp Business મારફતે જનરેટ થાય છે.

WhatsApp Businessના પ્રથમ વર્ષની ઉજવણી કરવામાં મદદ કરવા માટે, અમે જાહેર કરી રહ્યા છીએ કે અમારી સૌથી વધુ લોકપ્રિય સુવિધાઓ પૈકી કેટલીક સુવિધાઓનો ઉપયોગ હવે WhatsApp વેબ અને ડેસ્કટોપ પર થઈ શકે છે. આ સુવિધાઓમાં આનો સમાવેશ થાય છે:

• તરત આપવાના જવાબો: આ, સામાન્ય પ્રશ્નોના જવાબ આપવા માટે વારંવાર વપરાતા મેસેજ છે. તરત આપવાના જવાબ પસંદ કરવા માટે બસ તમારા કીબોર્ડ પર “/”ને દબાવો અને મોકલો.
• લેબલ: તમારા સંપર્કો અથવા ચેટને લેબલ વડે ગોઠવો, જેથી કરીને તમે સહેલાઈથી તેને ફરીથી શોધી શકો.
• ચેટ લિસ્ટ ફિલ્ટરિંગ: ન વાંચેલા મેસેજ, ગ્રૂપ અથવા બ્રોડકાસ્ટ લિસ્ટ દ્વારા ગોઠવવા માટે ફિલ્ટર વડે તમારી ચેટનું સહેલાઈથી સંચાલન કરો.

કમ્પ્યુટર પર આ સુવિધાઓનો ઉપયોગ કરવાથી બિઝનેસને સમય બચાવવામાં અને તેમના ગ્રાહકોનો ઝડપથી પાછો સંપર્ક કરવામાં મદદ મળે છે. અમે WhatsApp Businessનો વ્યાપ વધારતા રહેવા અને નવી સુવિધાઓને પ્રસ્તુત કરવા માટે ઉત્સાહિત છીએ કે જે ગ્રાહકો માટે તેમના માટે મહત્ત્વપૂર્ણ હોય તેવા બિઝનેસને શોધવાનું અને તેમની સાથે સહભાગિતા કરવાનું સહેલું બનાવે છે.