نئی ویب اور ڈیسک ٹاپ خصوصیات کے ساتھ WhatsApp Business کا ایک سال پورے ہونے کا جشن منا رہے ہیں

گزشتہ سال جنوری میں ہم نے WhatsApp Business‎ ایپ شروع کی تھی اور اب پچاس لاکھ سے زیادہ بزنسز اپنے کسٹمرز کی سپورٹ کرنے، اپنے بزنس کو بڑھانے، دنیا بھر میں اپنی کمیونٹیز کو خدمت فراہم کرنے کیلئے اس کا استعمال کر رہے ہیں۔ ہمیں خوشی ہے کہ ہم نے لاکھوں بزنسز کو بڑھنے میں مدد کی ہے۔ مثال کے طور پر، بھارت کے بینگلور میں واقع ایک آئی ویئر برانڈ Glassic نے ہمیں بتایا کہ ان کی نئی فروخت کا 30 فیصد WhatsApp Business کے ذریعے حاصل ہوا ہے۔

WhatsApp Business کے پہلے سال کا جشن منانے کیلئے، ہم یہ اعلان کر رہے ہیں کہ ہماری سب سے مقبول خصوصیات میں سے کچھ خصوصیات کا استعمال اب WhatsApp ویب اور ڈیسک ٹاپ پر کیا جا سکتا ہے۔ ان میں درج ذیل خصوصیات شامل ہیں:

• فوری جوابات: یہ عام سوالوں کے جواب کے فوری میسجز ہیں۔ اپنے کی بورڈ پر بس "/" دبا کر فوری جواب منتخب کریں اور بھیجیں۔
• لیبلز: اپنے رابطوں یا چیٹس کو لیبلز کی مدد سے منظم کریں تاکہ آپ انہیں آسانی سے دوبارہ تلاش کرسکیں۔
• چیٹ لست فلٹر کرنا: بغیر پڑھے ہوئے میسجز، گروپس یا بروڈکاسٹ کی فہرستوں کے لحاظ سے ترتیب دینے کیلئے اپنی چیٹس کو فلٹرز کے ساتھ آسانی سے منظم کریں۔

کسی کمپیوٹر پر یہ خصوصیات استعمال کرنے سے بزنسز کو وقت بچانے اور اپنے کسٹمرز تک فوری رسائی حاصل کرنے کی سہولت ملتی ہے۔ WhatsApp Business کی پیش رفت اور ایسی نئی خصوصیات متعارف کرانا جاری رکھ کر ہمیں خوشی ہو رہی ہے جس سے کسٹمرز کیلئے اہمیت رکھنے والے بزنسز کو تلاش کرنا اور ان سے جڑنا آسان ہو جاتا ہے۔