બધા કદના બિઝનેસ માટે WhatsApp પર શરૂઆત કરવાનું વધુ સહેલું બનાવવું

વિશ્વભરનાં લોકો અને બિઝનેસ માટે, WhatsApp હવે એ જગ્યા છે જ્યાં બિઝનેસ થઈ જાય છે. ભલેને તે મોમ-એન્ડ-પોપ શૉપ હોય કે પછી ફોર્ચ્યુન 500 કંપની, બધા કદના બિઝનેસ આજે, તેમના ગ્રાહકોની મદદ કરવા માટે WhatsApp પર ભરોસો કરે છે.

જે રીતે WhatsAppએ પ્રિયજનો માટે સીમાઓની પેલે પાર સ્વતંત્ર રૂપથી સંચાર કરવાનું શક્ય બનાવ્યું છે તે જ રીતે, અમે એ પડકારોને ભૂતકાળની વાત બનાવી દેવા માંગીએ છીએ જેનો આપણને બધાને બિઝનેસની સાથે વાત કરતી વખતે અનુભવ થયો છે. તેનો અર્થ છે કે હવે હોલ્ડ પર વધુ રાહ જોવાની, બ્રોકન વેબસાઇટ પર અટવાઈ જવાની કે કોઈ ઇમેઇલને બ્લેક બોક્સમાં એ વિચારીને મોકલવી પડશે નહિ કે તેને ક્યારેય પણ વાંચવામાં આવશે કે કેમ.

આજની તારીખ સુધીમાં, અમે WhatsAppની મદદથી વધુ સારી કામગીરી કરવામાં લાખો બિઝનેસની મદદ કરી છે. આગળનું પગલું એ દરેક બિઝનેસ માટે WhatsApp ઉપલબ્ધ કરાવવાનું છે જે તેમના ગ્રાહકો સાથે વાતચીત કરવાની ઝડપી, અનુકૂળ અને વિશ્વસનીય રીત ઇચ્છે છે.

નવા ક્લાઉડ-આધારિત API સાથે તમામ બિઝનેસ અને ડેવલપર માટે WhatsApp ખોલવું

આજે અમે Meta દ્વારા પૂરી પાડવામાં આવતી મફત, સુરક્ષિત ક્લાઉડ હોસ્ટિંગ સેવાઓને ઓફર કરીને સમગ્ર વિશ્વમાં રહેલા કોઈ પણ કદના કોઈ પણ બિઝનેસ માટે WhatsAppને ઉપલબ્ધ કરાવવામાં એક નોંધપાત્ર પગલું લઈ રહ્યા છીએ. આ નવા API સાથે, અમે સ્ટાર્ટ-અપ સમયને મહિનાઓથી મિનિટોમાં ઘટાડી દીધો છે જેથી બિઝનેસ અને ડેવલપર અમારી સેવાને ઝડપથી અને સહેલાઈથી એક્સેસ કરી શકે, તેમના અનુભવને વધુ કસ્ટમાઇઝ કરવા માટે સીધી જ WhatsAppની ઉપર સેવા બનાવી શકે અને તેઓ જે ઝડપે ગ્રાહકોને જવાબ આપી શકે તેમાં તેઓ વધારો કરી શકે. આ સેવાઓ અમારા પાર્ટનર માટે મોંઘા સર્વરના ખર્ચને પણ દૂર કરશે અને તેમને નવી સુવિધાઓની ત્વરિત એક્સેસ આપશે. બિઝનેસ, શરૂઆત કરવા માટે સીધા જ સાઇન અપ કરી શકે છે અથવા અમારા બિઝનેસ સોલ્યુશન પ્રોવાઇડર પૈકી એકની સાથે કામ કરી શકે છે.

ઝડપથી વૃદ્ધિ કરી રહેલા બિઝનેસ માટે WhatsApp Business ઍપમાં નવી સુવિધાઓ

વર્ષોથી અમે જોયું છે કે WhatsAppનો ઉપયોગ કરતા નાના બિઝનેસ કેવી રીતે વૃદ્ધિ કરશે અને અમે વધારાનાં ટૂલ વડે તેમને સપોર્ટ આપવા માંગીએ છીએ. અમે અપેક્ષા રાખીએ છીએ કે કેટલાક, ક્લાઉડ-આધારિત APIનો ઉપયોગ કરવા માંગશે, જોકે ઘણા WhatsApp Business ઍપનો ઉપયોગ કરવાનું ચાલુ રાખશે. અમે આ બિઝનેસ માટેની પ્રગત સુવિધાઓ પર પણ કામ કરી રહ્યા છીએ જેથી તેઓને તેમની કામગીરી માત્ર થોડા લોકો પૂરતી સીમિત ન રાખી તે પહોંચની બહાર ચલાવવામાં અને તેમની બ્રાન્ડને ઓનલાઇન વધુ વિસ્તારવામાં મદદ મળે - જેમ કે 10 જેટલાં ડિવાઇસ પર ચેટનું સંચાલન કરવાની ક્ષમતા, જેથી કરીને તેઓ ચેટના અંતર્પ્રવાહને વધુ સારી રીતે હેન્ડલ કરી શકે. અમે બિઝનેસને તેમની સમગ્ર ઓનલાઇન પ્રેઝન્સમાં ગ્રાહકોને આકર્ષવામાં મદદ કરવા માટે નવી કસ્ટમાઇઝ કરી શકાય તેવી WhatsApp ક્લિકથી ચેટ કરવા પર લઈ જતી લિંક પણ પૂરી પાડીશું. અમે આને નવી પ્રીમિયમ સેવાના ભાગ રૂપે WhatsApp Business ઍપમાં ફીના બદલામાં વધારાની, વૈકલ્પિક સુવિધાઓ તરીકે ઓફર કરવાનો પ્લાન બનાવીએ છીએ. ભવિષ્યમાં અમારી પાસે શેર કરવા માટે વધુ વિગતો હશે.

બિઝનેસને સપોર્ટ કરવાની આ નવી રીતો સાથે, વ્યક્તિ-થી-બિઝનેસની વાતચીતો માટેનાં અમારાં મૂલ્યો હજી પણ બદલાયાં નથી. લોકો તેઓ જે બિઝનેસ સાથે ચેટ કરે છે તેનું નિયંત્રણ ધરાવે છે અને બિઝનેસ લોકોને મેસેજ મોકલી શકતા નથી, સિવાય કે તેઓએ સંપર્ક કરવામાં આવે એવી વિનંતી કરી હોય.

અમે આશા રાખીએ છીએ કે લોકો WhatsApp પર તેમના વધુ મનપસંદ બિઝનેસ સાથે ચેટ કરવાની ક્ષમતાનો આનંદ માણશે અને નવા બિઝનેસ કેવી રીતે બનાવવામાં આવે છે, વૃદ્ધિ કરે છે અને સમૃદ્ધ થાય છે તે સાંભળવા માટે આતુર છીએ.